موقع الفنان مكي الصحبي الرسمية

موقع الفنان مكي الصحبي الرسمية.. اغاني راب .. طرب جلسات .. اخبار فنيه .. اغاني اجنبيه .. اخبار ثقافيه .. صور ممثلين وفنانيين
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 مقابله جديد للرابر مكي الصحبي

اذهب الى الأسفل 
كاتب الموضوعرسالة
رحيل الايام
عضو ماسي
عضو ماسي
avatar

عدد المساهمات : 36
نقاط : 123
تاريخ التسجيل : 02/08/2010

مُساهمةموضوع: مقابله جديد للرابر مكي الصحبي    الإثنين أغسطس 08, 2011 7:21 pm


مقابله جديده مع الرابر مكي الصحبي

المقابله منقوله


مقابله شخصيه مع الرابر السعودي مكي الصحبي خلال شهر رمضان المبارك





اعزائي الكرام هذي مقابله لاحد هواء وعشاق فن الراب العربي اقدمها انا فيصل البيشي في اول ايام شهر رمضان المبارك
رحبو معي بضيفي وضيفكم الرابر مكي الصحبي




*مكي كل عام وانت بخير ومبروك عليكم الشهر ؟


وانت بصحه وسلامه وكل عام وانتو بخير والله يتقبل صيامنا وقيامنا .



*خبرنا مكي عن بدايتك الفنيه ؟

والله انا بديت اغني ولكن هذا الكلام منذ فتره وبعدها توقفت عن الفن مع انها وصلتني عروض ولكن القلب لن يهواها .. المهم بعد ماتوقفت تقريبا سنتين اتجهت فورا لاغاني الرب والحمد لله مثل ماانت شايف نسبه التحميل عندي جيده والحمد لله


*طيب انت ظهرت ظهور غريب ومفاجئ ايضا ظهرت معاك مشاكل نسميها مشاكل احتوائيه فما هو السبب وماهذي الاخبار التي تنطرح عنك ؟


والله ياخوي فيصل تصدق وتأمن بالله ان ماينقال عني كله كلام فاضي ولا له صحه من المصداقيه انا راح اخبرك بكل شي .. بعد ماطرحت اغنيه القدر وهي الاغنيه الي اهديتها لاخوي وصلني عرض من زميله انها راح تفتح منتدى باسمي ولكن يكون المنتدى فيه شي مفيد وراقي يستفيدون منه الناس ويفيدون ومن بعدها انواع الاخبار الغير صحيحه تنطرح وليت الناس يسألون عن الخبر قبل مااحد يعلق بتعليق غير مفهوم



*انا بصراحه مااعرفك الا بسلامتك ولكن شفت لك خبر عن قضيه مدري وشو ممكن توضح لي وش السالفه؟


شوف هي اغنيه انا غنيتها على الاتصالات السوديه اوكي بعد ماسجلتها وطرحتها والله انا قلت مين اللي راح يحمل اي اغنيه لي وانا توني في بدايتي ولكن انبهرت لما شفت التحميل موصل فوق الف مره من مواقعي الشخصيه ايضا من مواقع مشتركه مع موقعي واصل التحميل فيها اكثر من ثلاث ميه مره والله انا ماتوقعت راح يحصل هذا من بعدها جاني اتصال مجهول من رقم مجهول على هاتفي الجوال قالي معاك محامي شركه الاتصالات السعودي حنا رافعين عليك قضيه ولازم انك تجي يوم وحدد لي اليوم والساعه انا صدقت قلت يمكن يكون الخير صحيح ولكن هو مجرد مقلب من بعدها شفت خبر نازل عني ان شركه الاتصالات السعوديه رافعه علي قضيه من ديوان المظاليم تصدق وتأمن باله ياخوي فيصل يمين بالله مااحد درى عني وشركه الاتصالات السعوديه موظفينها مو فاضين لي بس الله يهدي من موزع هذا الخبر.



*في شهر رمضان المبارك ماهو جدولك اليومي ؟


طبعا اصحى الساعه ثمان استعد للذهاب للدوام الساعه الثالثه ارجع للبيت اصلي صلاه العصر وارجع للاسترخاء ولي فتره ادخل فيها لموقعي اتفقد عدد الزاور عند صلاه المغرب اتفطر مع الاهل واصلي صلاه المغرب وارجع للبيت حتى اتابع المسلسلات وبعد العشاء اصلي واذهب مع زملائي للتجول والترفيه الساعه الثانيه عشر اكون متواجد في البيت في جلسه اسميها الجلسه النهائيه مع الاهل والانتظار لوقت السحور والنوم للاستيقاض مبكر للدوامـ.



رأينا مأخرا عرض لاغنيه انتهيت من كتابتها وتستعد لتسجيلها وتوزيعها تعليقك حول هذا الموضوع؟



صحيح اخوي فيصل انا انتهيت من كتابه اغنيه جديده بعنون الاقارب عقارب وبعد استشاره زميلي لي اجبرني على تسجيل الاغنيه وقال لي اغلب الكلمات تحصل من الاقارب فانا انتهيت من كتابه الكلمات واللحن جاهز ايضا التوزيع مابقى سوى اني اتجهز لتسجيل الاغنيه لكن احتراما لشهر رمضان اعاده الله علينا وعليكم بالخير والصحه والعافيه قررت اني اءجل تسجيل الاغنيه لبعد عيد الاضحى المبارك بحيث اني في اول ايام عيد الفطر المبارك وصلني خبر ان السفاره الصوماليه فيها حفل وان شاء الله سوف اكون احد المشاركين في الحفل اذا واقفو على طلبي وبعد الحفل ان شاء الله ابدا بتركيب صوتي على اللحن لانهاء اغنيه الاقارب عقارب.




* مكي مارايك في العنصريه وماهو دورك في محورها التناظري؟



اول شي انا مااحب العنصريه ولا لي أي دور فيه محورها وبعدين كيف سارت العنصريه محور شوي سارت دور ومتناظر كيف بالله يسير الكلام هذا .. اسمع اخوي فيصل في ذمتك انك تطرح المقابله بكل كلمه انا اقولها ولا تحذف أي شي هذا لو انت تقدرني وتحترمني مثل مانا اقدرك واحترمك وقبلت مقابلتك.. العنصريه هي يكون رأيك فى شخص أو مجموعة سلبياً او أيجابياً على حسب الشكل أو اللغة أو العرق أواللون فقط وليس لما يعتقدون أو يفعلون وتلاحظه افضل من غيره هذي هي العنصريه وانا بصراحه مااحب العنصريه.




*طيب هل لك دور في الانتماءات الفكريه؟


فكريه اوكي لي دور في استخدام طريقه التفكير احيانا في تكوين علاقاتي الخارجيه فأنا امتلك طريقه جيده استطيع من خلالها التعرف على أي شخص وايضا امتلك ثفه في نفسي تساعني على وضع الهموم وكلام الناس في سله المهملات فالتفيكر السلبي او الايجاري هو مايفسر تطاولاتك او تواجدك عند الناس.




*مكي سؤال صعب شوي اذا تقدر تسمح لي بالسؤال او اغيره؟



فيصل اسأل أي سؤال يدور في راسك عاد انا اقدر ارد على أي سؤال.





  • والله مكي سمعت انك تسرق اغاني الكلمات الي تغنيها بدون زعل اخوي مكي؟


اوما اسرق يارجال هات لي أي موضوع يدور في راسك وبعد يومين انا ارسل لك اغنيه على الموضوع الي انت اخترته لا الحمد لله انا مااسرق ولا شي كل الكلمات انا كاتبها تدري حتى انا وصلني نفس الكلام هذا من احد الاخوان بس انا مثل ماتكرمت وقلت في اللقاء الاول والله ماعلي من كلام الناس اللي يقولنه يقولنه لهم حريه التعبير والكلام ماسار بفلوس الى الحين انا اوعدك اول مايسير الكلام بفلوس وشهريا كل واحد يقول كلمه يدفع عليها فاتوره نا اوعدك انهم راح يتركو اسلوبهم الفاشل هذا الي يفكرون فيه بتفكير غبي.



*مشروعك القادم عن ماذا يتحدث؟


والله انطلب مني اني اغنيه اغنيه من كلمات الشاعره المبتدئه نوره هزازي وهي متواجده معي في الفيس بوك بظريقه جيده بس انا اعتذرت لها اني مااقدر اغني اغنيه مو من كلامتي ولا استطيع ان اتغنى بشي مو موجود فيني ولكن ان شاء الله في الايام القادمه افكر ان شاء الله اني اغنيها كل هذا على راحة الجمهور.




*ماعلاقتك مع الناس عموماً هل تلاحظ انك متكبر في طرح الاغنيه التي طرحتها التكبر على الناس؟


والله شوف الكبر يعني شي تافه بالنسبه لي لكن اغلبهم من قال اني متكبر وهذا مو تكبر انا امر بظروف خاصه وكلفت لانهاء المهمه مكتب المحامي السويلم وانا بالعكس متفائل مع الناس في الاراء فأنا ارحب بكل راي سواء معي او ضدي .



* قلم يكتب ورقة بيضاء تستقبل كل كلمه انتقادات مفهومها التعدي عليك بطولات موهمه وفوزك بلقب كرزمس الراب العربي خبرنا عن هذا الموضوع؟



بالنسبه للاقلام فدع الحبر يكتب حتى ينشف هذا مايهم والورقه التي تستقبل كل كلمه اذا المشي على الاقدام يمكن انه راح يوصلك للمكان اللي انت تبيه فانا الاحظ الكتابه علي ممكن اني راح اوصل لاي شي انا ابيه اما بالنسبه للبطولات اصلا عشان اريحك مافيه بطوله انا دخلتها ولا فيه لقب انا حصلت عليه انا شفت الخبر منقول في احدى الموقع والله عجبت بنفسي كثير لدرجه اني جلست اقول متى انا دخلت بطولات.



*هل تفكر بعمل اغنيه دويتو ؟



انعرض لي هذا الاقتراح ولكن رفضته.



*كلمه اخير توجهها لكل من يشاهد هذا اللقاء؟



اول شي اشكرك اخوي فيصل على هذا اللقاء واشكر كل من شاف وقراء هذا اللقاء ومبرك عليكم حلول شهر رمضان المبارك وكل عام وانتم بخير






كان هذا اللقاء مع الرابر السعودي مكي الصحبي اتمنى ان اكون قدمت لكم شي جميل وانتظروني في لقاءات اخرى



تقبلو احترامي


فيصل البيشي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مقابله جديد للرابر مكي الصحبي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع الفنان مكي الصحبي الرسمية :: [[ ‡§‡ ]][ مــنــتــدى المــنــوعــات][[ ‡§‡ ]][ :: [[ ‡§‡ ]][ قسم المنوعات العامه][[ ‡§‡ ]][-
انتقل الى: